Amakuru

Sina Gerard yasangiye n’abanyarwanda umuganura wa 2019

Rwiyemezamirimo SINA Gérard akaba n’Umuyobozi wa SINA Gérard/ESE URWIBUTSO, arashimira Leta y’u Rwanda yashimangiye gakondo y’Abanyarwanda, yimakaza Umuganura nk’umunsi Mukuru ngarukamwaka wubahwa ukabonwamo n’amahirwe yo guhuriza Abanyarwanda ku mihigo iganisha Igihugu mu iterambere.

Nk’uko tubikesha Minisiteri y’Umuco na Siporo (MINISPOC), Umuganura watangiye kwizihizwa mu Rwanda ku ngoma ya Gihanga Ngomijana mu Kinyejana cya kenda, uza kongera guhabwa imbaraga na Ruganzu wa II Ndoli (1510-1543) ubwo yabohoraga u Rwanda nyuma y’imyaka 15 ruri mu maboko y’abanyamahanga (Abanyoro n’Abanyabungo).

SINA Gérard asanga ari iby’igiciro kuba Leta y’u Rwanda ikomeje gusigasira uyu muco ufasha Abanyarwanda kwimakaza iby’iwabo no gusangira umusaruro w’ibyo bejeje n’ibyo bagezeho mu mwaka wose.

Mu kiganiro n’ikinyamakuru umwezi SINA yagize ati : “Umuganura ni umwihariko w’u Rwanda, tugomba gukoresha uko dushoboye tugasangira n’abayobozi, abakozi bacu, inshuti n’abavandimwe, n’Abanyarwanda muri rusange.”

SINA Gérard avuga ko yiteguye kuganuza Abanyarwanda umusaruro w’ibikorwa bye by’ubuhinzi n’ubworozi ndetse n’ubw’umusaruro yongerera agaciro.

Bimwe mu byo SINA Gérard/ESE URWIBUTSO isangira n’Abanyarwanda harimo amandazi y’”Urwibutso”, umutobe w’ “Agashya” utunganyijwe mu mbuto za marakuja, inkeri, inanasi, karoti n’imizabibu, urusenda rw’ “Akabanga”, Divayi “Akarusho” iva mu mizabibu ndetse n’ibitoki, “Akarabo” ibisuguti biva mu bijumba no mu ifarini y’ingano, nibindi

SINA Gérard avuga ko mu Muganura wa 2019 biteguye gufatanya n’Abanyarwanda kuzirikana insanganyamatsiko y’uyu mwaka igira iti : “Umuganura, isoko y’ubumwe n’ishingiro ryo kwigira.”

SINA Gérard ahamya ko Umuganura ushimangira gahunda yo guteza imbere ibikorerwa mu Rwanda (Made in Rwanda) kuko ibyo Abanyarwanda baganura ari umusaruro w’amaboko yabo n’umurava bashyira mu byo bakora.

Kuva kera kugeza n’ubu, ku munsi w’Umuganura abayobozi basabana n’abaturage abana bagasabana n’ababyeyi mu gitaramo k’imihigo, ahamurikirwa ibikorwa by’indashyikirwa (inka nziza, umusaruro ushimishije n’ibindi), abakoze neza bagashimwa.

SINA Gérard agaragaza ko ibimurikwa byose bishingiye ku gushimangira ibyiza Abanyarwanda bageraho haba mu buryo bwa gakondo ndetse n’ubugezweho bubasaba gukoresha ubwenge mu kongerera umusaruro wabo agaciro.

Umuganura w’umwaka wa 2019 uzaba umwanya wo kwereka Abanyarwanda indangagaciro z’umuco zikwiye kubakirwaho mu nzira y’iterambere, urubyiruko ruzerekwa agaciro ko kurangwa n’umurage w’u Rwanda

INISPOC ivuga ko kwizihiza umuganura bishimangira ko kwizihiza Umuganura 2019 bishimangira urugendo Abanyarwanda barimo rwo kwigira no kwibohora nyako, hifashishwa umuco kugira ngo hashakwe ibisubizo bihamye by’ibibazo bagenda bahura na byo mu iterambere.

Divayi y’ibitoki y’Akarusho yatangiye gupfunyikwa mu buryo bwo ku rwego mpuzamahanga

Imizabibu ihingwa na SINA Gérard

Mayonnaise na Ketchup bikorwa na Sina Gerard ESE URWIBUTSO

Umusozi SINA Gérard akoreraho ubuhinzi

Sina Gerard

Carine Kayitesi

Click to comment

Leave a Reply

Your email address will not be published. Required fields are marked *

IZASOMWE CYANE

To Top