Amakuru

Remera: Tugiye gukurikirana turebe neza ubuzima bw’abagore basigajwe inyuma n’amateka- Kalisa

Ibi ni ibitangazwa na Kalisa Jeans Souveur, Umunyamabanga Nshingwa bikorwa w’Umurenge wa Remera, Akarere ka Gasabo mu mujyi wa Kigali, mu kiganiro n’ikinyamakuru Umwezi, mu rugendonshuri rwo  kuwa 29 Gicurasi 2019, abanyamakuru bari mu mahugurwa bakoreye Murenge ayobora.  

Aha ni ahabarizwa abagore  amateka agaragaza ko basigaye inyuma  bo Mudugudu wa Marembo mu Kagari ka Nyabisindu  batunzwe n’ umwuga w’ububumbyi.

Kalisa Jean Souveur, agira ati,’’Tugiye gukurikirana  turebe neza ubuzima  abo bagore  amateka agaragaza ko basigaye inyuma uko bayeho,  dukurikirane ibibazo bafite. Kiriya kiciro cyabo tugifata nk’abandi banyarwanda batishoboye.’’

Kalisa Jean Sauveur umunyamabanga nshingwabikorwa w’umurenge wa Remera

Kalisaavuga ko nta mwihariko bagenera iyi miryango  , akomeza agira ati: ‘’Nta mwihariko wabo dufite, gusa tugiye  gushyiramo imbaraga duhure nabo tumenye  ibibazo bafite turebe uko twabikemura kuko nta kintu kitashoboka iyo abantu bashyize hamwe.’’

Mu buhamya bwabo, abagore  bavuga ko bifuza kureka uyu mwuga w’ububumbyi kuko utunguka ahubwo bahora mu bukene, ko babonye igishoro bakora indi nirimo ibyara inyungu bityo bakiteza imbere.

Bamwe mu bagore twasanze babumba inkono n’imbabura

 Mukanama Theresa  w’imyaka 45 y’amavuko ni  umubyeyi w’abana  batandatu , we n’umugabo we batunzwe no kubumba inkono n’imbabura. Agira ati, ‘’ Amafaranga dukuramo niyo dutungisha umuryango wacu. Turi mu cyiciro cya mbere cy’Ubudehe. Ku mafaranga ibihumbi bibiri gusa tubona mu gihembwe , tugerageza kwishyurira abana bacu amashuri. Rwose ayo mafaranga ni n’intica ntikize.’’

Na none ati, ‘’Turasaba Leta ko yadufasha  kwibumbira mu ma koperative idutera inkunga kugira ngo tubashe kwiteza imbere nk’abandi banyarwanda.’’

Aba bagore bavuga ko babonye igishoro nabo bakwiteza imbere nk’abandi

Aba bagore bavuga ko  impanvu nyamukuru bugarijwe n’ubukene ahanini ari uko nta gishoro bafite ngo nabo bakore imishinga yabateza imbere, nta n’ingwate bafite zo gutanga mu bigo by’imari iciriritse  ngo babone nguzanyo.

Nk’uko babitangaza ibi babishingira ko hari ahandi bagenzi babo baterwa inkunga nko mu Murenge wa Kacyiru, aho  amakoperative yabo afite abatera nkunga.  

Kayitesi Carine

Click to comment

Leave a Reply

Your email address will not be published. Required fields are marked *

IZASOMWE CYANE

To Top