Amakuru

Mu masegonda 17 ku isi ,umuntu umwe apfa azize Sida

Ishami ry’umuryango w’Abibumbye  ryita kuri Sida (ONUSIDA) rivuga ko  muri  2016, abantu basaga miliyoni 1,8 bishwe na Sida kandi ko  nibura umuntu umwe mu masagonda 17 ku isi apfa azize Sida naho ku munsi hagapfa abasaga 5000.

Iri shami rivuga ko umugabane wa Afurika ari agace kibasirwa n’ubwandu bushya bwa Sida , ariko ko  imibare igenda isa n’igabaanuka. Abantu bakuze bayirwaye baragabanutse bava kuri miliyoni 1,9 mu 2010, bagera kuri 1,7 mu 2016. Mu bana b’Abanyafurika, ubwandu bushya mu 2010 bwavuye hafi ku bihumbi 300 bagera hafi ku bihumbi 160 mu 2016.

Imwe mu mpamvu z’iri gabanuka ku bwandu bushya mu bana, havugwa cyane  abagore batwite bafite ubwandu babasha gufata neza imiti ibongerera amahirwe yo kubyara umwana utanduye.

Uyu munsi, abantu hafi miliyoni 40 ku isi banduye Virus itera Sida mu gihe umwaka ushize iri shami ryita ku kurwana Sida (ONUSIDA) rikaba ryaravugaga ko abayanduye bari miliyoni 36.7. kubegereza imiti, UNAIDS ivuga  bigira akamaro cyane kuko umubare w’abantu bicwa n’indwara zifitanye isano na Sida imaze kugabanuka ku kigero cya 50% hagati ya 2005 na 2016, kuko yavuye kuri miliyoni 1,9 ikagera kuri miliyoni imwe.

UNAIDS ivuga ko ubu hafi miliyoni 20.9 muri miliyoni zisaga 40 z’abafite ubwandu bwa Sida aribo babasha kugezwaho imiti igabanya ubukana.

Kuva iki cyorezo cyatangira kwibasira abantu mu 1981, abasaga miliyoni 76.1 nibo babarurwa ko bayanduye, muribo, miliyoni 35 barapfuye.

Kagaba Emmanuel,umwezi.net

 

Click to comment

Leave a Reply

Your email address will not be published. Required fields are marked *

IZASOMWE CYANE

To Top