Amakuru

Kabuye : Dusabimana, afatanije ubuvuzi gakondo,ubuhanzi na siporo

Kimwe n’abandi batari bake, Dusabinana Emmanuel, ni umuvuzi gakondo, akaba umuhanzi kandi agakina za Filimi.

Uyu muvuzi gakondo atuye kandi akorera  mu mudugudu w’Amasangano,  Akagali   ka Kabuye, mu Murenge wa Jabana. Akarere ka   Gasabo. Abaturage bavuga ko iwe bahita iburagurabwami kubera ubuvuzi ahakorera.

Uyu muvuzi gakondo , avuga ko  afite ivuriro gakondo akaba avura  indwara zitandukanye harimo  ibisazi,, ubugumba, kanseri, diabete, kubyara ku bagore bagumiwe, umuti w’abakobwa n’abagore (amavangingo)  umuti ku bagabo wo gutera akabariro , imitezi na mburugu, igifu,  amaso, indwara  z’uruhu   n’izindi.

Umuvuzi gakondo Dusabimana Emmanuel

Agira ati, “ubuvuzi bwange mbukomora ku gisekuru cy’umuryango, imiti nkoresha nkaba nyikorera ubwange  kuko mfite imirima y’imiti itandukanye ya gakondo nkayisoroma, nkayisekura nkayitegura neza mbere yo kuyivurisha abaje bangana .”

Akomeza avuga ko abarwayi bamugana atari bake kuko bamufitiye icyizere kuko abo avuye bakira kandi n’uwo asuzumye hakaba ikibazo  amwohereza kuri  bagenzi (trasnfert)  mu rwego rw’imikoranire kugirango umurwayi abashe gukira neza.

Akomeza avuga ko iyo imirimo imwe n’imwe ayirangije, ariho ajya mu myidagaduro agahimba indirimbo ubu akaba afite indirimo zigera ku 100 zirimo iz’ubutumwa bw’Imana (Gospel) nka  Hunga udapa,Hungira kuri Yesu,  hakabamo  iz’urukundo (  5 love, Lucky Fire), iz’amatora, iz’amakipe na Rayons sports na Chelsea n’izindi zitari nke wasanga  ku rubuga nkoranyambaga ruzwi nka youtube.

Uretse  ubuvuzi gakondo  akora kugira budacika mu Rwanda  n’indirimbo, Dusabimama Emmanuel , wabariza kuri telefoni 0785213504,0725095110,0735211969,  avuga ko akunda umupira w’amaguru, kuko afite ikipe y’umupira w’amaguru y’abakobwa  izwi nka AS Kabuye ikaba iri mu cyiciro cya kabiri (2ême division) ikaba yararangije iri ku mwanya wa kabiri, akaba anafite n’ikipe y’abahungu izwi nka AS Kabuye.

Benshi mu baturage ba Kabuye bemeza  kandi bemera ubuvuzi bwe gakondo kuko abahivuza  bakira indwara bivuje.

Kagaba Emmanuel,umwezi.net

Click to comment

Leave a Reply

Your email address will not be published. Required fields are marked *

IZASOMWE CYANE

To Top