Afurika

Umuryango CECYDAR uzizihiza yubile y’imyaka 25

Uyu muryango (Centre Cyprien Daphrose Rugamba) washinzwe na Rugamba Cyprien afatanije n’umugore we Daphrose,uzizihiza yubile y’imyaka 25 umaze ukora ibikorwa bya gikiristu byo kwita ku bana batagira kirera.

Iyi yubile  izizihizwa hashimangirwa ibikorwa byatangijwe umwaka ushize wa 2016, byo gusuzuma niba bashyirwa ku rutonde rw’abahire n’abatagatifu ba Kiliziya Gatolika.

Mu  mwaka wa 1992,  RugambaCyprien, wari umwanditsi w’ibitabo akaba  n’Umuhanzi  afatanije n’umugore we Mukansanga Daphrose, bashinze umuryango FIDESCo Rwanda (Cyprien and Daphrose Rugamba’s project for street Children), waje guhindurirwa kwitwa CECYDAR, hagamijwe guha agaciro ibikorwa byabo bamaze kwitaba Imana.

Abayobozi ba FIDESCO

Mu rwego gutegura iyo Yubile y’imyaka 25, tariki ya 22 Kanama 2017,  abayobozi ba FIDESCO, bagiranye  ikiganiro n’abanyamakuru bavuga ko uzaba ari umwanya wo kugaragaza  ibikorwa bishimangira ubusabe bw’uko abawushinze bashyirwa ku rutonde rw’Abatagatifu.

Ngarambe Francois Xavier, Umuyobozi wa Communauté de l’Emmanuel, yavuze ko kwizihiza yo sabukuru ari umwanya ukomeye wo gushimangira ko bagirwa abahire.

Agira ati, Ikijyanye n’iperereza rikorwa kugira ngo Cyprien Rugamba na Daphrose bagirwe abahire n’abatagatifu ari ukugirango abantu batekereze gushyira abandi mu rwego rw’abahire n’abatagatifu kandi  ni uko baba barasomye mu buzima bwabo ibimenyetso by’urukundo rw’Imana by’uko bemereye Imana ikabakoreramo  si ubutwari bwabo, n’impuhwe zayo bakiriye noneho bagasa na yo ku buryo ubareba ukavuga uti ni abantu b’Imana.”

Akomeza avuga ko banatangiye  urwo rugendo akaba abona  mbona ari nk’icyemezo cy’uko tubifuriza kuba abanyempuhwe, bakifuza ko abantu bose babakurikira muri izo mpuhwe.

Umuyobozi wa CECYDAR, Joseph Bitega, avuga ko uretse kwita ku bana nk’uko Rugamba yari yarabivuze, banafasha abana gukira ibikomere

Yongeraho ko ibikorwa byo gusuzuma niba uyu muryango washyirwa mu ntwari z’u Rwanda no mu batagatifu ba Kiliziya Gatolika, ku wa 18 Nzeri, umwaka uzaba ushize, hakirwa abatangabuhamya bashimangira ibikorwa byashingirwaho bagirwa abahire, ubu abatangabuhamya 49 bakaba bamaze kumvwa.

Ati, “Ubu urukiko rubishinzwe rumaze kwakira abatangabuhamya 49 n’abandi baracyaza. Turatekereza ko imirimo igenze neza, bitazarenza hagati mu mwaka wa  2018, hagaragajwe icyagezweho.”

Rugamba Cyprien,  yishwe Jenoside yakorewe Abatutsi igitangira, tariki ya 7 Mata 1994, hamwe n’umugore we n’abana batandatu.

Ku bijyanye n’iyi yubile, ubuyobozi bwa CECYDAR, bwatangaje ko iteguye mu minsi ibiri, ku wa 1 na 2 Nzeri 2017.

Kuva CECYDAR yashingwa, imaze kwakira abana batagira kirera barenga 4650 barimo abarenga 2000 bakiriwe nyuma ya Jenoside yakorewe abatutsi.

Muri abo, 1388 basubijwe mu miryango, 22 biga kaminuza, 197 biga ayisumbuye, 472 biga amashuri abanza kandi kugeza ubu iki kigo gitanga uburezi n’uburere ku bana batagira kirera.

Kayitesi Carine, umwezi.net

1 Comment

1 Comment

  1. mugisha

    August 29, 2017 at 11:35 am

    NDI MUBANA BAKURIYE HARIYA NAJE KURI PROMOTION YABIBIRI (2002) MUBYUKURI BIRABABAJE KUGIRANGO UMWANA UMUKURE KUMUHANDA NURANGIZA UMUSUBIZEYO FIDESCO NAHAGEZE MFITE 12 ANS BARANDERA KU BWA NIYIBIZI FERISTOS UBWO NIGA AMASHURI ABANZA MURUGANDO NDANATSINDA ARKO AGASHYA KABAYE HAJE UMU DIRECTEUR WAGIRANGO NUMWANA WA PHARAWO NAMWE MWUMVE UKUNTU UMWANA AVAKUMUHANDA NUKUNTU MWESE MUBIZI KUGIRANGO YIGE BIBA ARINTAMBARA NGEZE MUMWAKA WAGATATU BITEGA JOSEPH YADUKORESHESHEJE INAMA YO KUTWIRUKANA ABANA BARI BARANGIJE P6 NA S3SECONDAIREATUBWIRAKO NGO INKUNGA ZAHAGAZE ABANA BOSE BARANGIJE PRIMAIRE NA TROCOMME TWESE BARATWIRUKANA NYAMARA IKIGO CYATANGIYE NTANUBUSHOBOZI GIFITE TWARIGAGA ARKO UBUSHOBOZI BUBONETSE BITEGA UMWANA FARAWO ARATWIRUKANA KANDI NARI NATSINZE NGIYE KUJYA SUCRE SUPERIER NONESE UBWO BAFASHA IKI BAFASHAGA KIRIYA KIGABO KITARAZA CYINDANINI ABANA TWSE UKO TWAKOZE CYARATWIRUKANYE KKI TWATSINZE BAFATA ABANA KIKabacuruza kuko iyo abana baje bakibafotora bakirangiza ubwo ntayindi nyungu baba bakibakeneyeho bashyize imbere ba mathieu bosco emmanuel musazi kugirango baboneko bafosha bariya bava mubihumbi 4000 imina izabaza ukuntu bacuruje abana babeshya ngo nurukundo

Leave a Reply

Your email address will not be published. Required fields are marked *

IZASOMWE CYANE

To Top