Afurika

Intara y’Iburasirazuba yahize izindi mu gutora cyane Perezida Kagame

Amajwi y’ibanze angana na 80% y’abatoye mu itora rya Perezida wa Repubulika, arerekana ko umukandida wa FPR-Inkotanyi, Paul Kagame, yanikiye abo bari bahanganye, aho mu majwi y’Abanyarwanda 5.498.414 amaze kubarurwa, yagize 98.66%

Intara y’Iburasirazuba kugeza ubu iraza ku isonga mu gutora cyane Kagame ku mpuzandengo ya 99.16%, irakurikirwa n’Amajyaruguru ku mpuzandengo ya 98.65%. Uturere twa Bugesera na Nyagatare twaje imbere y’utundi mu gutora cyane Kagame, aho turi hejuru ya 99%.

Perezida Kagame Paul 

Gatsibo: 99,13% ,Bugesera, 99,25% , Kayonza, 98,93%,Kirehe,99,17%, Ngoma, 98,83%  Nyagatare,99,66%  naho Rwamagana,  99,15%.

Mu turere twose tw’igihugu, abandi bakandida bari bahanganye na Kagame aribo; Mpayimana Philippe yatowe ku kigero cya 0.72% naho Habineza Frank atorwa kuri 0.45%.

Amatora ya Perezida wa Repubulika muri  2017 yitabiriwe n’abaantu 6,897,076 muri bo 54% ni abagore naho 46% ni abagabo; muri abo bose urubyiruko rukaba ari 45%. Abatoye bwa mbere [abujuje imyaka 18] ni 254,796.

Biteganyijwe ko bitarenze ku itariki ya 9 Kanama hazaba gutangaza by’agateganyo ibyavuye mu matora, hanyuma gutangaza burundu ibyavuye mu matora bizaba bitarenze ku itariki ya 16 Kanama 2017.

Kagaba Emmanuel,umwezi.net

 

 

 

 

Click to comment

Leave a Reply

Your email address will not be published. Required fields are marked *

IZASOMWE CYANE

To Top